માવા તારી મુરતીમાં, મોહી મોહી રે
પ્યારા તારા મુરતીમાં મોહી મોહી રે
માવા તારી મૂરતી માં…
તમ વિના નાથ ત્રીકોલ માહી
વાલુ બીજું નથી રે કોઈ કોઈ રે
માવા તારી મુરતીમાં…
પ્યારા તારી મૂર્તિમાં….
કમર કટારી લાગત પ્યારી
જીવું છું હું છોગલીયું જોઈ જોઈ રે
માવા તારી મુરતીમાં…
પ્યારા તારી મૂર્તિમાં…
મન મોહન તારી નવલ છબીમાં
રહી છું હું ચિતડું પ્રોઈ પ્રોઈ રે
માવા તારી મુરતીમાં…
પ્યારા તારી મૂર્તિમાં…
બ્રહ્માનંદ કહે તમ સારું
કુળ મરજાદા ખોઈ ખોઈ રે
માવા તારી મુરતીમાં…
પ્યારા તારી મૂર્તિમાં…