ઓ શ્રીનાથજી આવજો તમે,
વાટ જોઈ રહ્યા કયારના અમે
અનેક જન્મથી જીવ આથડે,
આપ શરણની ખબરના પડે
ઓ શ્રીનાથજી આવજો ….
આપ શરણ તો રુદિયે વિષે,
શ્રી મહાપ્રભુજી વિના કયાંથી દીસીએ
ચરણ શરણ તો આપનું ખરૂ,
જનમ મરણનું દુ:ખ તો ગયું
ઓ શ્રીનાથજી આવજો…
દાસ આપનો જો હશે ખરા,
જન્મ મૃત્યુથી તે તરી જશે
દાસ ભાવથી સૌ તરી જશે,
દાસ આપના જો હશે ખરા
ઓ શ્રીનાથજી આવજો…
દાસ હોય તો કદી ના વિસરે,
ભય તજીને સર્વદા પરે
દાસ વિઠ્ઠલેશ વિનંતી વદે,
ઓ શ્રીનાથજી આવજો તમે
ઓ શ્રીનાથજી આવજો…