હે ભજન વિનાની મારી ભૂખ નહિ ભાંગે હાં
હે સમરણ વિના મારી તલબ ન જાય રામા
ભજન વિનાની મારી…
મૈં ફૂડા ને મારા સદગુરુ સાચા હાં…
હે સાચો ધણી મારો રણુંજાનો રાય રામા
ભજન વિનાની મારી…
પાંખ વિના પંખી કેમ કરી ઊડશે હાં
જળબિન મછીયાનાં કોણ રે હવાલ રામા
ભજન વિનાની મારી…
બનીઠનીને વ્હાલો વાટે ને ઘાટે હાં
હે આવંતા મેં દીઠા અસવાર રામા
ભજન વિનાની મારી…
મક્કા મદીના મકરાણાને ઘોડા હાં
હે આવંતા મેં દીઠા અસવાર રામા
ભજન વિનાની મારી…
હરિનાં ચરણે “ભાટી હરજી” રે બોલ્યા હાં
હે સેવકનાં રુદિયામાં રહેજો મારા નાથજી
ભજન વિનાની મારી…