આવી છું સેવાને કાજ ફૂલડાં લાવી છું છાબમાં
એવા સુંદીર તો ડોલરના ફૂલ છે
બાલક્રિષ્ણ તમારે કાજ, ફૂલડાં લાવીછું છાબમાં
આવીછું સેવા ને કાજ…
ડોલરના ફૂલની માળા બનાવી
તુલસીના નાખીય છે પાન ફૂલડાં લાવીછું છાબમાં
આવીછું સેવાને કાજ ફૂલડાં…
જીણી જીણી કાળિયોની માળા બનાવી
આરતી લયાવી છું સાથ ફૂલડાં લાવીછું છાબમાં
આવીછું સેવાને કાજ…
શ્યામ સુંદીરની આરતી ઉતારું
વૈષ્ણવના હૈયા હરખાય ફૂલડાં લાવીછું છાબમાં
આવીછું સેવા ને કાજ ફૂલડાં…
માધવદાસના સ્વામી શામળા
દેજો શ્રી વ્રજમાં વાસ ફૂલડાં લાવીછું છાબમાં
આવીછું સેવાને કાજ…