કર્મનો સંગાથી, રાણા મારું કોઈ નથી
હે લખ્યાં એનાં જુદાં જુદાં લેખ
કર્મનો સંગાથી, રાણા મારું કોઈ નથી
હે કર્મનો સંગાથી, રાણા મારું કોઈ નથી

એક રે પત્થરનાં દો-દો ટુકડા
હે લખ્યાં એનાં જુદાં જુદાં લેખ
એકની બની રે પ્રેભુજીની મુરતી
હે બીજો ધોબીડા ને ઘાટ
બીજો ધોબીડા ને ઘાટ
કર્મનો સંગાથી, રાણા મારું કોઈ નથી

હો એક રે ગાયુનાં દો-દો વાંછડા
હે લખ્યાં એનાં જુદાં જુદાં લેખ
એક રે બન્યો રે શિવજીનો પોઠિયો
હે બીજો ઘાંચીડાને ઘેર
હે બીજો ઘાંચીડાને ઘેર
કર્મનો સંગાથી, રાણા મારું કોઈ નથી

એક રે માતાનાં દો-દો બેટડા
હે લખ્યાં એનાં જુદાં જુદાં લેખ
એક ની શીર ઉપર છત્તર ઢળે
હે એક ની શીર ઉપર છત્તર ઢળે
કે બીજો ભારા વેચી ખાય
કર્મનો સંગાથી, રાણા મારું કોઈ નથી

એક રે વેલાના દો દો તુંબડા
કે લખ્યા એના જુદા જુદા લેખ
હે એક રે તુંબડુ અડસઠ તીરથ કરે
એક રે તુંબડુ અડસઠ તીરથ કરે
હે બીજુ વાદીડા ને હાથ
કર્મનો સંગાથી, રાણા મારું કોઈ નથી

હે ગુરુના પ્રતાપે મીરાંબાઈ બોલીયા
હે દેજો અમને સંત ચરણમાં વાસ
કર્મનો સંગાથી, રાણા મારું કોઈ નથી
હે લખ્યાં એનાં જુદાં જુદાં લેખ
કર્મનો સંગાથી, રાણા મારું કોઈ નથી