આ પલ જાવે રે‚ કરી લેને બંદગી
ગઈ પલ ફેર નહીં આવે રે‚ કરી લેને બંદગી
આ પલ જાવે રે‚ કરી લેને બંદગી…

કરો મન ગ્યાના‚ ધરી લેને ધ્યાના
મૂરખા ! મૃગજળ દેખી ક્યું લલચાવે રે
આ પલ જાવે રે‚ કરી લેને બંદગી…

શિરને માથે છે વેરી‚ લીધો તું ને ઘેરી
સૂતાં બંદા નીંદરા તું ને કેમ આવે રે
આ પલ જાવે રે‚ કરી લેને બંદગી…

એક દિન મરના હૈ‚ ધોખા નવ ધરના
મુખમેં રામનામ કેમ ભૂલાવે રે
આ પલ જાવે રે‚ કરી લેને બંદગી…

કહે છે કલ્યાણ’સાબ‚ સતગુરુ શરણે
આમાં પ્રેમીજન હોય ઈ તો પાવે રે
આ પલ જાવે રે‚ કરી લેને બંદગી…