એજી હારને કાજે નવ મારીચે,
હઠીલા હરી અમને,
માર્યા પછી મારા નાથજી,
દોષ ચડશે ભઇ તમને…
હારને કાજે..(1)

હિરલા ફુલોનો હારલો,
ગોવિંદા ગુંથીને લાવું રે..(2)
દેહ અમારી દામોદરા,
બંદી વાન છોડાવો રે…
હારને કાજે..(2)

અરધી રજની તો વીતી ગઇ,
એ વિઠ્ઠલા જાગોને વહેલા હૈ..(2)
માંડળીક આવી મારશે,
રવિ ઉગર્યા પહેલા રે…
હારને કાજે(3)

કાંતો વિધાતા વેરણ થઇ,
કાંતો ભરાણો તું રોષે રે..(2)
કાંતો માંડળિક લાંચીયો,
કાંતો ભરાણો તું રોષે રે..
હારને કાજે (4)

જે જન જેના મનમાં વસે,
તેનાથી જુદા ન રહેવાય ..(2)
નરસૈયાના સ્વામી આવજો,
રાખે વેણલા વાળી રે…(5)
એજી હારને કાજે નવ મારીયે,