આપણી કમાયું આપણે જાળવો
નુગરા ભલે ને લુટાય વીરા મારા રે

રેણીના રખોપે રે ધરમ શીર ધારવો
કરણીથી સુધરી લેજો કાજ વીરા મારા રે

વાતુ રે કરે વડાં નહી નીપજે
માથે છે મરણ કેરી ઘાત વીરા મારા રે

નર રે અધુરાથી આરત નવ કીજીયે
એતો તનમાં ઉપજાવે તાપ વીરા મારા રે

પામરથી પ્રીતુ રે કદી નવ કીજીયે
સમજીને રહીયે ત્યાંથી છેટા વીરા મારા રે

સાચાથી સ્નેહ એતો સુખ સાયબી
ત્યાં અરસ પરસ દીલ દઈએ વીરા મારા રે

દાસ રે “બળદેવ” એમ દાખવે
રાખજો ગુરુ ચરણમાં ચિત વીરા મારા રે