જાડેજા હાલોને જાઈ રે ગુરુજીના દેશમાં રે
પરદેશી હાર્યે ના હોય પ્રીત જાડેજા
દેશી મળે રે આપણા દેશના રે
હૃદયે હોય રે હુલ્લાસ જાડેજા
હાલોને….

જાડેજા રે , સંતોના દેશમાં હીરાના હારડા રે
વસ્તુ ભરી છે અપરંપાર જાડેજા
સુગરા હશે તે વસ્તુ વ્હોરશે રે
નુગરા જાય રે નિરાશ રે નિરાશ જાડેજા
હાલોને….

જાડેજા રે સંતના દેશમાં માનસરોવરા રે
હંસલા બેઠા રે એને તીર જાડેજા
મોતીડા ચો રે સવા લાખના રે
અને બગલા રે જોને ઉડી જાય જાડેજા
હાલોને….

જાડેજા રે સંતના દેશમાં અમૃત સરોવરો
જેને પીધેથી પ્યાસ બુઝાય જાડેજા
સુગરા હશે તે પીએ પ્રેમથી રે
નગરા તરસ્યા જાય જાડેજ
હાલોને….

જાડેજા રે હાલોને જાઈ રે ગુરુજીના આંગણે રે
અને શરણાગત થઈ પડિયે પાય જાડેજા
હાથ રે મુકે ને કાયા હેમની રે
તોરલ કે ભવના ફેરા મટી જાય જાડેજા
હાલોને….