થઈ ગઈ છે માઝમરાત મારા રાજદુલારા
સુઇ જાને હવે બાળ મારા દેવના દુલારા
થઈ ગઈ છે માઝમરાત હો હો
થઈ ગઈ છે માઝમરાત મારા રાજદુલારા

મયુર પંખ ફેલાવી ને તારી સામે નાચતો
ગુંજતો કોયલનો ટહુકાર કેવો મીઠો ભાસતો
ઝુલતા મેના પોપટ પારણે તારા કિલ્લોલ કરતાં
થઈ ગઈ છે માઝમરાત હો ઓ
થઈ ગઈ છે માઝમરાત મારા રાજદુલારા

મુખ મલકી રહ્યું પારણે તારૂં સૂર્ય તેજથી
લાગે દેવોનો અવતાર આવ્યો કોઈ આભથી
હૈયે મમતાનું વ્રૃન્દાવન આજ હેલે ચડતું
થઈ ગઈ છે માઝમરાત હો ઓ
થઈ ગઈ છે માઝમરાત મારા રાજદુલારા

મોટો થઈ ને મારા ધાવણની તુ લાજ રાખજે
બની વડલો થાક્યા નો વિસામો કુળ ઉજાળજે
નજરૂં લાગે નહીં કોયની સોનલ ધ્યાન રાખજે
થઈ ગઈ છે માઝમરાત હો ઓ
થઈ ગઈ છે માઝમરાત મારા રાજદુલારા

સુઇ જાને હવે બાળ મારા દેવના દુલારા
સુઇ જાને હવે બાળ મારા દેવના દુલારા
આ થઈ ગઈ છે માઝમરાત
હો ઓ થઈ ગઈ છે માઝમરાત મારા રાજદુલારા
થઈ ગઈ છે માઝમરાત મારા રાજદુલારા