અવસર આવિયો રણ રમવા તણો,
અતિ અમૂલ્ય નવ મળે નાણે;
સમજવું હોય તો સમજજો સાનમાં,
તજી પરપંચ તક જોઈ ટાણે…

મુનિ મન મધ્ય વિચાર એવો કરે,
મોહ શું લડે તે મર્દ કેવા;
પાખરિયા નર (તે) કૈંક પાડ્યા ખરા,
શૃંગી શશી સુરરાજ જેવા…

એવા તો કૈંકની લાજ લીધી ખરી,
એક ગુરુદેવથી એ જ ભાગે;
તે ગુરુદેવ તો તાહેરી કોર છે,
જડમતિ તોય નવ બુદ્ધિ જાગે…

કરી લે કામ રટ રામ ઉતાવળો,
ગુરુતણી મોજ ગોવિંદ મળશે;
મુક્તાનંદ એ વચનમાં મર્મ છે,
મર્મ જાણ્યે મદ મોહ ટળશે…