પ્રેમ ને વશ થઈ ગ્યા વાલો રાજી રાજી
શુ કરે પંડિતો ને કાજી રે
પ્રેમ ને વશ થઈ ગ્યા રાજી રાજી

કરમા બાઈ નો આરોગ્યો ખીચડો
વિદુર ની ખાધી વાલે ભાજી રે
હેઠાં બોર વાલે શબરી બાઇ ના ખાંધા
છપ્પન ભોગ મેલ્યા ત્યાગી રે,
પ્રેમ ને વશ થઈ ગ્યા રાજી રાજી

વિદુર ને ધરે શ્રી કૃષ્ણ પધાર્યા
તે દી કેળા લાવ્યા તા બે માંગી રે
ગર કાઢી ને વાલા ને છાલ ખવરાવી
તોય ના જોયુ વાલે જાગી રે,
પ્રેમ ને વશ થઇ ગ્યા રાજી રાજી

ગુણકા હતી તે પોપટ પઢાવતી
એમાંથી લેહ એને લાગી રે
પ્રભુજી એને સહજમાં મળ્યા
સંસાર મેલ્યો ત્યાગી રે,
પ્રેમ ને વશ થઇ ગ્યા રાજી રાજી

ભક્ત જનો ની નિંદા કરી ને
આખુ જગત બની ગયુ પાજી રે
ભલે ને મળ્યા મહેતા નરસિંહ ના સ્વામી
માટે ગીરીધર રહ્યા કાજી રે,
પ્રેમ ને વશ થઈ ગ્યા રાજી રાજી