હરિને ભજતાં હજી કોઈની,
લાજ જતાં નથી જાણી રે
જેની સુરતા શામળીયા સાથ,
વદે વેદ વાણી રે.
હરિને ભજતાં હજી

વહાલે ઉગાર્યો પ્રહ્-લાદ,
હરણા કંસ માર્યો રે
વિભીષણને આપ્યું રાજ,
રાવણ સંહાર્યો રે.
હરિને ભજતાં હજી

વહાલે નરસિંહ મહેતાને હાર,
હાથોહાથ આપ્યો રે
ધ્રુવને આપ્યું અવિચળ રાજ,
પોતાનો કરી થાપ્યો રે.
હરિને ભજતાં હજી

વહાલે મીરાં તે બાઈનં
વિખ હળાહળ પીધાં રે
પંચાળીના પૂર્યાં ચીર,
પાંડવ કામ કીધાં રે હરિને
હરિને ભજતાં હજી

વહાલે આગે સંતોનાં કામ,
પૂરણ કરિયાં રે
ગુણ ગાય ગેમલ કરજોડ,
હેતે દુઃખ હરિયાં રે.
હરિને ભજતાં હજી