ઘરમાંથી નિસરો, સોહય રંગ સુંદરી,
વરરાજા જુએ બારે વાટડી રે.

હુંરે કેમ નિસરૂ મારી સાસુના જાયા
અમને અમારા દાદા દેખશે રે…
તમારા દાદાને રૂડી શીખ જ દેશું
પછી રે મોટાની કન્યા પરણશુંરે.
ઘરમાંથી…

હુંરે કેમ નિસરૂ મારી નણંદીના વીરા,
અમને અમારા કાકા દેખશે રે
તમારા કાકાને રૂડી શીખ જ દેશ
પછી રે મોટાની કન્યા પરણશરે
ઘરમાંથી…..

હુંરે કેમ નિસરું મારી સાસુના જાયા,
અમને અમારા મામા દેખશે રે..
તમારા મામાને રૂડી શીખ જ દેશ
પછી રે મોટાની કન્યા પરણશુંરે
ઘરમાંથી…