એકલા જ આવ્યા મનવા,
એકલા જવાના
સાથી વિના, સંગી વિના,
એકલા જવાના…એકલા…
કાળજીની કેડીએ કાયાના સાથ દે…
કાળીકાળી રાતડીએ છાયાના સાથ દે
કાયાના સાથ દે ભલે, છાયાના સાથ દે ભલે,
પોતાના જ પંથે ભેરુ, પોતાના વિનાના
સાથી વિના, સંગી વિના,
એકલા જવાના…એકલા…
આપણેય એકલા ને કિરતાર એકલો…
એકલા જીવોને, તારો આધાર, એકલો
એકલા રહીએ ભલે, વેદના સહીએ ભલે,
એકલા રહીને ભેરુ થઈએ બધાના
સાથી વિના, સંગી વિના,
એકલા જવાના…એકલા…