155 પૂછો તો ખરા ઘાયલને શું થાય છે


પૂછો તો ખરા ઘાયલને શું થાય છે?
પૂછો તો ખરા
આંખ મિલાવી આંખ કાં શરમાઇ છે?
પૂછો તો ખરા…

પ્રેમનો અંજામ પણ આવો હશે,
ના હતી ખબર
દિલ દઇ દિલદાર પણ છોડી જશે,
ના હતી ખબર
આંખે આવી શમણાં ક્યાં વિખરાય છે?
પૂછો તો ખરા…

દિલ છે તારી પાસને હું દૂર છું,
કોને કહું?
આંઘીમાં અટવાયો હુ મજબૂર છું,
કોને કહું?
ભૂલ નથી પણ સજા મને કાં થાય છે?
પૂછો તો ખરા…

મનમંદિરમાં દેવ બનાવી
જેની પૂજા કરતી’તી
આશાના દિવડા પ્રગટાવી
ચરણે ફૂલો ધરતી’તી
એ અણમોલા ફૂલો કાં કરમાય છે?
પૂછો તો ખરા…


Leave a Reply

Your email address will not be published.