અધમ ઉદ્ધારણ એવું, પોતાનું નામ,
સત્ય કર્યું આજ, શ્રી ઘનશ્યામ રાજ
અધમ ઉદ્ધારણ એવું

જીવને શિવ કર્યા, અવિદ્યા ટાળી,
પ્રૌઢ પ્રતાપ જણાવી, હદ વાળી રાજ
અધમ ઉદ્ધારણ એવું

વિના સાધને સિદ્ધ, દશા પમાડી,
સૌથી પોતાની રીત, ન્યારી દેખાડી રાજ
અધમ ઉદ્ધારણ એવું

રવિ આગે શશી, તારા ન ભાસે,
મતપંથ તેમ, શ્રી હરિ પાસે રાજ
અધમ ઉદ્ધારણ એવું

પ્રેમાનંદનો સ્વામી, પૂરણ પ્રતાપી,
પોતાના જનને સ્થિતિ, અલૌકિક આપી રાજ
અધમ ઉદ્ધારણ એવું