શિવજીનું ડમરું ડમ ડમ વાગે
કૈલાશ માં ત્રણ લોક ડોલે ડોલે ડોલે,

ભીલડી સ્વરૂપે માતા ઉમિયાજી નાચે
શિવની સમાધિ તૂટી રે,
ડમરું ડમ ડમ વાગે,

શિવની જટા માં ગંગા બિરાજે
અની માથે મણીધર ડોલે રે,
ડમરું ડમ ડમ વાગે,

નારદજી આવે ને વિણા વગાળે
એ બ્રહ્માજી નગારા વગાડે રે,
ડમરું ડમ ડમ વાગે,

ત્રિશુલ લઈને શિવ તાંડવ નાચે
એ ભૈરવી ધૂન મચાવેરે,
ડમરું ડમ ડમ વાગે,

ચોસઠ જોગણી સંગે મળીને
એ તાળી ના તાલ મિલાવે રે
ડમરું ડમ ડમ વાગે,

એકવીશ કરોડ દેવ જોવાને આવે
એ શિવજીને ફૂલડે વધાવ્યા રે,
ડમરું ડમ ડમ વાગે