જેમ અષાઢીના મેઘના મોરલિયા ને ઉમાવા
એના કરતા જાજી મારા હૈયે તારી માયા
ભરોશો ઉઠયો કે પછી મનમાં વેમ આયા
મગ જેવડી વાત માં તારા દલડાં કાં દુભાયા

બોલો માંણેક મેળું આંખો માંથી કાજલ કાં ધોવાણાં
બોલો માંણેક મેળું આંખો માંથી કાજલ કાં ધોવાણાં
નૂર ભર્યાં ઝરણાં એક પલ કા હુંકાણા…

હા… રતન રાણી રીહાણા મારા લાડ લજવાણા
હા… મન વ્હાલા માં વ્હાલી તું કેમ એ એ વ્હાલ વિહરાણા
કોઈની વાતો માં આવી ને ભીતર કા ભરમાણાં
હા… રતન રાણી રીહાણા મારા લાડ લજવાણા
હા… તારી હજાર ભુલો હગરી ભર્યા છે કાળજા
મારી એક ભૂલ વાલીના પ્રીત્યું ના પાંરખા
હા… રતન રાણી રીહાણા મારા લાડ લજવાણા
રતન રાણી રીહાણા મારા લાડ લજવાણા…

હા… મારા રંગભર્યાં રજવાડે બધી રંગત તારાથી
તારું કાળજું કચવાય શેને જોયું જાય મારાથી
હા… રાયના દાણા સરખી વાત પહાડ જેવી પારખી
પડતી મેલો પંચાયત ભરોહા લેશે ભરખી
હા… અમુક વાતો એવી વાંચા માં ક્યાં હમાય
થોડું આંખોમાં ઉભરાય થોડું આતમ બોલી જાય
હા… રતન રાણી રીહાણા મારા લાડ લજવાણા
હા… રતન રાણી રીહાણા મારા લાડ લજવાણા…

હા… તારો મારો રાગ જોઈ આ રાજી નથી લોકો
કલેશ કરી આપોના હસવાનો એમને મોકો
હા… માન્યું થોડું માઠું લાગ્યું વાત હવે છોડો
મોઢે લાવો સ્મિત ઓ હેતાળું હવે બોલો
હા… માથે રામ રાખી કહી દઉં દલડાં દુભાવા નહીં દઉં
આ જીવ રહેશે ત્યાં સુધી તને રડવાં હું નહીં દઉં
હા… રતન રાણી રીહાણા મારા લાડ લજવાણા
હા… રતન રાણી રીહાણા મારા લાડ લજવાણા….