મેડીએ મેલ્યો સોનાનો બાજોઠીયો
માં તારો સોના રૂપા નો બાજોઠીયો

પહેલી તે પોળમાં પેસતા રે
સમા સોનીડાના હાટ જો
સોનીડો લાવે રૂડા ઝૂમણાં રે
મારી અંબામાં ને કાજ જો
અંબિકા તારા તે ચોકમાં
ઉડે અબીલ ગુલાલ
મેડીએ મેલ્યો સોનાનો બાજોઠીયો

બીજી તે પોળમાં પેસતા રે
સમા વાણીડાના હાટ જો
વાણીડો લાવે રૂડા ચુંદડી રે
મારી ખોડીયાર માં ને કાજ જો
ખોડીયાર માં તારા તે ચોકમાં
ઉડે અબીલ ગુલાલ
મેડીએ મેલ્યો સોનાનો બાજોઠીયો

ત્રીજી તે પોળમાં પેસતા રે
સમા મણીયારા ના હાટ જો
મણિયારો લાવે રૂડા ચૂડલા રે
મારી કાલીકા માં ને કાજ જો
કાલીકા માં તારા રે ચોકમાં
ઉડે અબીલ ગુલાલ
મેડીએ મેલ્યો સોનાનો બાજોઠીયો

ચોથી તે પોળમાં પેસતા રે
સમા માળીડા ના હાટ જો
માળીડો લાવે રૂડા ફૂલડાં રે
મારી રાંદલ માં ને કાજ જો
રાંદલ માં તારા તે ચોકમા
ઉડે અબીલ ગુલાલ
મેડીએ મેલ્યો સોનાનો બાજોઠીયો