તાતણીયા ધરા વાળી ખોડલ માં
બાલુડા કરે પોકાર ખોડીયાર આવો માં રમવા
બાલુડા આપના પાયે પડીને
વિનવે છે વારંવાર ખોડીયાર આવો માં રમવા
પ્રગટ્યા તમે આજ રાજપરા ગામે
બેડા તાતણીયે ખોડલ ધર્યા નામ
બોલાવે માડી તારા બાળખોડીયાર આવો માં રમવા

અવગુણ સામે જોશો ના માવડી
માતા કુમાતા થાશો ના માવડી
છોરું ની ભૂલો ભૂલનાર ખોડીયાર આવો માં રમવા
ભક્તો ને કાજે માડી દેહ તમે ધરિયા
ચારણ કુળ આવી જનમ ઉજળીયા
મામૈયા ઘેર અવતાર ખોડીયાર આવો માં રમવા

ઘેરાણા વાદળા વિપત્તિના જ્યારે
જાહલ સિંઘ માં પુરાણી ત્યારે
નવઘણ ને દીધો પડકાર ખોડીયાર આવો માં રમવા
ગોહિલ કુળની વારે તમે આવતા
કાળી ચકલી રૂપે ભાલે બિરાજતા
રાજ્યનો કર્યો વિસ્તાર ખોડીયાર આવો માં રમવા

વાટલડી જોતા માં વિતે છે રાતડી
ધીરજ ખૂટી ને હવે રોવે છે આંખડી
માડી તારા પરચા ગવાય
બાલુડા કરે પોકાર ખોડીયાર આવો માં રમવા