નણદલના વીર વિના એકલાં જી રે,
સૂના મંદિર ખાવા ધાય હો જી રે,
કે’દુની જોતી’તી વાટ, વે’લા વાલમ ઘેર આવજો

ઉતારા દેશું તમને ઓરડા જી રે
દેશું કાંઈ મેડિયુંના મોલ હો જી રે
કે ‘દુની જાતી’તી વાટ…

પોઢણ દેશું તમને ઢોલિયા જી રે
દેશું કાંઈ હિંડોળા ખાટ હો જી રે
કે’દુની જોતી’તી વાટ

ભોજન દેશું તમને લાપસી જી રે
દેશું કાંઈ કઢિયેલાં દૂધ હો જી રે
કે’દુની જોતી’તી વાટ…

મુખવાસ દેશું તમને એલચી જી રે
દેશું કાંઈ બીડલાં પાન હો જી રે
કે’દુની જાતી તો વાટ